|
|
|
Oleg Balyayev (sinistre ) ed Eberhard Scholz (dextre) |
Oleg Balyayev de Minsk esis gasto che l'Idoamiki Berlin
Vere tre surprizante, dum la omnasemana kunveno dil Idoamiki Berlin, ye venerdio, la 19ma di decembro 2008 ni aceptis sioro Oleg Balyayev de Minsk, Belarusia.
La Idisto Oleg esis konocata a ni depos la internaciona renkontro en Kiev. Ye ica venerdio anke Oleg partoprenis nia linguala diskuto pri nia revueto.
Lu tre joyis konversar itere per Ido kun Idisti. Pro mankanta tempo lu nur vidis poka parteti di Berlin.
Oleg ne posedas komputoro, ma lu deziras kontakti ad altra Idisti per letri. Pro la mankanta komputoro, ni transdonis a lu diversa Idaji.
Ica esas importanta por lu : havar papera imprimuri pri Ido.
Pos lua departo nur restas a ni memoro pri afabla e modesta homo.
|
|
|
Oleg Balyayev (sinistre ) ed Eberhard Scholz (dextre) |
Ja kelka Idisti stranjera vizitis la Idoamiki en Berlin, exemple de Sankt
Peterburg, Luxemburg, Estonia. Me ja joyas pri la nexta viziti, kad anke da vi ?
