Idoamiki Berlin

Bonveno che la hempagino dil grupo di Berlina Idisti

Was ist IDO? What is IDO? Qu'est-ce que IDO? ¿Qué es IDO? Quo esas IDO?
Idoamiki Berlin

  • Hauptseite/Frontispico
  • A4-Kalender 2021
  • A4-Kalender 2020
  • Ido-Saluto! aktuell/aktuala
  • Ido-Saluto! Archiv / Arkivo
  • Ido-Saluto! Inhalt / Kontenajo
  • Ereignisse 2009/Eventi 2009
  • frühere Ereignisse/pasinta eventi
  • Kontakt/Kontakto
  • Impressum
  • Letzte Änderungen/Recenta modifiki

Weitere Domains / Plusa Situi

  • Deutsche Ido-Gesellschaft
  • DIG-Newsletter
  • Ido-Wikipedia/Wikipedio per Ido
  • elektronikala Idorevueyo
  • Kompleta Gramatiko Detaloza
  • Auerbach Wörterbuch
  • Kurs: Ido por omni

verschiedene Texte / diversa texti

  • BRAUCHT DIE WELT EINE WELTSPRACHE?
  • Geschichte der Weltsprache (1924)!!
  • Nia justifiko
  • La Biblioteko di Babel
  • Kyoto - la sola posibleso

Wiki interna

  • WikiSandbox
  • Interna

Impressum:

Inhaber der Internetpräsenz www.idoamiki.berlin.idolinguo.de:
Deutsche Ido-Gesellschaft e.V.
c/o ver.di Berlin
FB 8 / AG Ido
Köpenicker Str. 30
D- 10179 Berlin

Onlinekontakt

Inhaber der Internetpräsenz www.ido.berlin:
Frank Kasper
Gabelsbergerstr. 62
D- 90459 Nürnberg

Suchen:
  • Artikel
  • Bearbeiten
  • Versionen
  • Druckansicht

Bearbeiten Seiten Menü

5886 views

Expolingua2008

Kara Idisti,

191 expozanti de 33 landi partoprenis ye la linguo-ferio. 14.800 interesemi informis su pri cirkume 60 lingui. Mikra kurseti eventis en Japona, Araba, Finnlanda e Franca. Nova moyeni pri komunikado esis prizentita, exemple reala komunikado per *video kun la Filipinia.- Yen, kurte, ulo ek la oficala komunikado Sioro Schlemminger diskursis koram sua askoltanti per "Beamer" e respondizis la questioni di kuriozi. Nia estaleyo esis ornita per du granda afishi, per la konocata "Bona jorno, hier ist Ido" e per la kompleta serio di difuzili kreita da nia fervoroza samideano Adrian Pastrana. Ankorfoye, kara Adrian, gratitudo a vu.

L'Ido-estaleyo kun diversa propagili

Ni povis prizentar Ido-revui anciena ed aktuala, por exemplo anke "Adavane" e "Kuriero Internaciona" bel-aspektanta. La tota dokumentaro esis internaciona. Regretinde ni ne povis skribar ula statistiko pri la nombro e lingui di nia vizitanti o gasti. Ni nur povas protokolar ulo ek nia rimemoro.

Yen la listo di la lingui che nia estaleyo, certe ne-kompleta: Estona, Lituana, Belarusa, Rusa, Bulgara, Rumana, Hungara, Slovena, Slovaka, Albana, Moldava, Cheka, Polona, Italiana, Hispana, Portugala, Baska, Franca, Nederlanda, Angla, Skota, linguo Irlanda, Dana, Turka, Koreana, Indiana. Vi povas konjektar ke nia ne-German samideano, qua unesmafoye partoprenis ca linguoferio en nia estaleyo, povis atestar lua savo pri est-Europana lingui. Vlado de Warszawa diskutis kun plu multa kam dek personi. Lua espero esos profesorino Polona... .

Eberhard Scholz (dextre) e Rudolf Gensch (sinistre) diskutis kun vizitantini dil linguoferio. Maxim sinistre videblas Vlado Yakowenko di Polonia

Ma nia parteneri konversinta venis anke de la fora mondo : De la multa landi Hispanlingua en Latinamerika, exemple Kostarika e Brazilia. Ultre to, anke Usani e Kanadiani. Tre interesiva esis la diskuto kun Marokino: Ido, ka vere mondolinguo? Pluse un muliero de Iran raportis a ni pri la yunaro Irana, qua esas tre "apertita vers la mondo".

Senproblema esis la relati inter la same partopreninta Esperantisti e nia esquado. Nia adverso ne esas la linguo di nia mi-frati ma la hegemonio di ula linguo nacionala. Respekto e tolero guvernas dum la paroladi anke en Esperanto. La chefa questiono di la maxim multa Germani koncernis la frazeto "Was ist Ido?" ( Quo esas Ido?).

Omni recevis ne nur propagili, produktita dal Idoamiki Berlin. La propagili esis havebla en la lingui Hispana, Franca, Angla, Germana, Rusa e Polona. La interesemi anke invitesis a nia kunveneyo por pluse babilar, por lernar Ido o mem kunluktar favore la "maxim bela afero di la mondo".

Surprizante ed unesmafoye instruktisti di skoli serchis kontakto a ni. Pluse esis joyiva, ke skolani, gimnaziani e studianti questionis kurioze ni. Interesanta personi povis enskribar su en anuncili.

Pos omno -- ni nun expektas eko. Tamen e malgre omno, la mondo -- o plu modesta -- la publikeso devas saveskar pri l'existo dil Ido. Yen quaza rezumo pri tri jorni penoza de senfina diskuti .

Me salutas vi
Eberhard

Idoamiki Berlin
Bearbeiten - Versionen - Druckansicht - Aktuelle Änderungen - Suchen
Zuletzt geändert am 19.04.2009 22:13 Uhr