• Artikel
• Bearbeiten
• Versionen
• Druckansicht

On ne questionas tu

Black Box - Uniono Europana

La Kontrato di Lisboa

L’Uniono Europana sempre plu multe dominacas nia vivo. Ma qua dominacas l’Europana politiko? Til l’unesma di januario 2009 la nova Kontrato di Lisboa, anke prizentita kom Reform-kontrato, divenez ratifikita do afirmita en omna stati dil EU. Ma la populo di ca stati ne darfez kun-decidar. E to, quankam ta kontrato influos fundamentale la cirkonstanci, sub qui ni en Europa vivas e laboras. Mem plu multo: La prezenta maniero dil unionigo Europana, la ne-demokrata, neo-liberala, patriarkala e militistala developo, minacas cementizesar pokope.

La nova kontrato venas quaze ek ula Black Box – ol aparis exkluzite la publiko. La posibleso chanjar ol ne esas intencata da la chefi di la guverberii. Ma la kontrato esas identa ye multe kam 90 po cent kun l’olda kontrato konstitucala, qua esas refuzita dum la plebiciti en Francia e Nederlando. L’esencala punti, qui lore rezultigis la refuzo, esas kontenanta anke en la nuna reform-kontrato: Ne-frenagita konkurso por la maxim basa normi sociala, represiva interna politiko e l’obligo di la stati dil EU koncerne armizado militistala.

Por impedar plusa tardigo o mem definitiva falio di la kontrato, l’Europana eliti nun renuncas plebicito demokrata. Ton ni ne volas permisar! La sinistra yunaro (solid) demandas reala debato pri la texto di la nova kontrato. Ni demandas plebiciti en omna stati dil EU, e ni luktas por sinistra tendenco-alterno en l’EU. Lo signifikas ne min kam olua demokrata, sociala e civila rifonduro.

Militizado per kontrato

Per la kontrato l’EU divenez alt-armizata povo militistala, qua mondvaste exekutas kombat-stroki. Vortope la reform-kontrato citas: „La stati dil EU obligas su plubonigar pazope sua kapaceso militistala“. La armizado-„lobby“ joyas pri la recenta ankroligo di la kontrate instalita defens-agenturo (originale armizad-agenturo). Propra EU-budjeto militala posiblesas mondvasta atak-militi. EU-„Battle-Groups“ (EU-batalio-grupi) esez kreenda. La politiko Europana por extera e militistala aferi ne mem esas kontrolata da la parlamento. Do per la prezenta kontrato kreesas omno altra kam Europa pacema.

Kapital-grupi kasacas, homi perdas

La fendado sociala en la stati dil EU augmentas sencese. To ne esas hazardo, ma konsequanto di decidi politikala. L’Europa di la dominacanta eliti nun mem volas garantiar su kontrate sua ne-sociala e neo-liberala politiko. Vice adoptar Europana minima salarii, l’interdikto di la privatigeso di publika proprietajo e sociala normi, esas fixigata l’aperta e libera merkato-ekonomio. Lo laste citita signifikas deskonstrukto di yuri protektanta por l’employanti, konkurso koncerne abaso di imposti inter la stati dil EU. La neo-liberala ekonomiala sistemo kontre-dicas l’interesi di la majoritato di la populo – ol esas nur utila por maximala profito di poka homi! Pro to kombato kontre povreso e prekarigeso signifikas: Rekuzez la kontrato di Lisboa!

Lia demokratio e nia – plebiciti nun!

L’EU esas tam multe ne-demokrata kam de la komenco. On dicas, la Parlamento Europana recevos suplementala yuri decidema, ma anke future ol restos exkluzita de la lego-inicio e ne darfas decidar en extera e sekuresala politiko. Ol ne recevas vera budjet-yuro e ne darfas libere elektar o retro-elektar nek la prezidanto nek la singla membri di la komisitaro. La populi Europana ne havas irga posiblajo kontrolar e korektigar efikteme la legifado en Bruxelles.

Quankam segun inquesto plu multe kam 70 po cent di la populo volas votar pri tante importanta manovro di agulo kam la reform-kontrato, la plebicito Europana demandata da la sinistrani ne eventos. Ecepte Irlando la nacionala guvernerii en omna altra landi impedas plebiciti.

L’EU-establisuro estimachas yuri fundamentala di homi e civitani. L’interesi dil imperanti e kapital-grupi havez privileji. L’EU trovas nia rezisto! Ni dicas: Nur la vinkeso di ica EU duktas ad Europa demokrata. Pro to sustenez la signatur-kampanio di la partiso di la sinistrani Europana por plebiciti. Aranjez che vi protest-kunveni. Informigez su e diskutez kun amiki e konocati. Nia skopo esez elevar la kontre-preso omnaloke por altra Europa.

Linksjugend (‚solid)

                                                       Tradukita de la Germana dal Ido-amiki Berlin       

Retre a la komencpagino dil Idoamiki Berlin